Mit Herzbluet und
Freud für dis einzigartige
görriwürschtli-Erlebnis!

regional, lokal, noochhaltig.

Us ere langjährige Schnapsidee isch mittlerwiile bierernscht worde und mir hei im wahrsten Sinne des Wortes öpis uf d’Stross brocht. Mir – das si d’Angi und dr Kussi vo Lieschtel – wo euch mit em görriwürschtli ä schmackhafte und würzige Snack wei abiete.

Für eus spiele Gaschtfründschaft, Wohlfühlcharakter und Gnuss ä sehr ä grossi Rolle. Zuedem isch nit nur eusi Sproch, sondern si au alli eusi Produkt «schwizerisch» – wenn immer möglich regional oder sogar lokal!

Witter lit eus sehr am Herze, dass au eusi Verbruuchs- und Verpackigsmaterialie nochhaltig und CO2-neutral si – grad in dr hüttige Zit us euser Sicht wichtiger denn je.

Lueged doch bi Glägeheit eifach mol verbii… mir freuen is uf euches Bsüechli!